काठमाडौं । प्रतिनिधिसभा सदस्य निर्वाचनको समानुपातिकतर्फ प्राप्त सिटका आधारमा सांसदको नाम टुंग्याउन नेपाली कांग्रेस को केन्द्रीय कार्यसम्पादन समितिको बैठक आज बस्दैछ ।
बैठक पार्टी केन्द्रीय कार्यालय नेपाली कांग्रेस केन्द्रीय कार्यालय सानेपामा दिउँसो १ बजे बस्ने तय भएको छ ।
बैठकमा निर्वाचनअघि निर्वाचन आयोगमा बुझाइएको बन्दसूचीमा रहेका उम्मेदवारहरूमध्ये पार्टीले समानुपातिकतर्फ प्राप्त गरेको सिट संख्याका आधारमा प्रतिनिधिसभा सदस्यहरूको अन्तिम नाम छनोट गर्ने विषयमा छलफल तथा निर्णय गरिने जनाइएको छ ।
कांग्रेस केन्द्रीय कार्यालयका कार्यवाहक मुख्य सचिव कृष्णप्रसाद दुलालले एक विज्ञप्ति जारी गर्दै बैठकमा केन्द्रीय कार्यसम्पादन समितिका सम्पूर्ण पदाधिकारी तथा सदस्यहरूलाई तोकिएको समयमा उपस्थित हुन अनुरोध गरेका छन् ।
गत फागुन २१ गतेको प्रतिनिधिसभा सदस्य निर्वाचन मा नेपाली कांग्रेसले प्रत्यक्षतर्फ १८ सिट जितेको थियो भने समानुपातिकतर्फ २० सिट प्राप्त गरेको छ । सोही सिटका आधारमा प्रतिनिधि सभा सदस्यको नाम टुंग्याउन आजको बैठक बस्न लागेको हो ।
प्रतिक्रिया