काठमाडौं । नेपाली कांग्रेसले केन्द्रीय कार्यसमितिको बैठक बोलाएको छ।
आगामी शुक्रबार दिउँसो १ बजे बैठक आह्वान गरिएको कार्यवाहक मुख्यसचिव कृष्णप्रसाद दुलालले जानकारी दिएका छन् । बैठक पार्टीको केन्द्रीय कार्यालय सानेपामा आयोजना हुने बताइएको छ।
बैठकको एजेन्डा भने सार्वजनिक गरिएको छैन। तर, कांग्रेसले गत २१ फागुनमा सम्पन्न निर्वाचनबारे औपचारिक समीक्षा अझै नगरेको अवस्थामा यो बैठकलाई त्यसतर्फ केन्द्रित हुन सक्ने अनुमान गरिएको छ।
यसअघि बसेको कार्यसम्पादन समितिको बैठकपछि नेताहरूले आगामी बैठकमार्फत निर्वाचन परिणामको समीक्षा गर्ने बताएका थिए। सो बैठकले भने समानुपातिकतर्फका सांसदहरूको नाम टुंगो लगाएको थियो।
प्रतिक्रिया