काठमाडौं । पूर्वप्रधानमन्त्री तथा नेकपा एमालेका अध्यक्ष केपी शर्मा ओली र पूर्वगृहमन्त्री तथा कांग्रेस नेता रमेश लेखकको बन्दी प्रत्यक्षीकरण रिटमाथि सर्वोच्च अदालतमा सुनुवाइ हुँदैछ ।
सर्वोच्च अदालतले दुवै निवेदनलाई छुट्टाछुट्टै इजलासमा राखेको छ। ओलीको बन्दी प्रत्यक्षीकरण निवेदन न्यायाधीश मेघराज पोखरेलको इजलासमा तोकिएको छ भने लेखकको निवेदन न्यायाधीश कुमार रेग्मीको इजलासमा परेको छ।
ओलीकी पत्नी राधिका शाक्यले आइतबार बन्दी प्रत्यक्षीकरणको निवेदन दर्ता गराएकी थिइन । त्यस्तै, रमेश लेखकका तर्फबाट उनकी पत्नी यशोदा लेखकले पनि सोही प्रकृतिको निवेदन दर्ता गराएकी थिइन्।
शनिबार गुन्डुबाट पक्राउ परेका ओलीलाई सोही दिन त्रिभुवन विश्वविद्यालय शिक्षण अस्पताल भर्ना गरिएको थियो। हाल उनी चिकित्सकको निगरानीमा अस्पतालमै उपचाररत रहेको बताइएको छ।
यस्तै लेखकलाई प्रहरीको दुई नम्वर गणमा राखिएको छ । दुवै जनालाई जिल्ला अदालत काठमाडौंले अनुसन्धानका लागि पाँच दिनको समय दिएको छ ।
प्रतिक्रिया