काठमाडौं। प्रतिनिधि सभाको सभामुख पदमा डोरप्रसाद अर्याल निर्विरोध निर्वाचित भएका छन् ।
प्रतिनिसभाको आजको बैठकमा सभाको अध्यक्षता गरेका जेष्ठ सदस्य अर्जुननरसिंह केसीले अर्याल निर्विरोध निर्वाचित भएको घोषणा गरेका हुन् । केसीले सो पदमा अन्य कसैको पनि उम्मेदवारी नपरेका कारण अर्याल सभामुख पदमा निर्वाचित भएको जनाउँदै उनलाई कार्यकाल सफलताको बधाई दिए ।
त्यसअघि अर्याललाई सभामुखमा निर्वाचित गर्न रास्वपाका सभापति रवि लामिछानेले प्रस्ताव गरेका थिए । सो प्रस्तावलाई स्वर्णिम वाग्ले, सुनिल लम्साल र सोविता गौतमले समर्थन गरेका थिए ।
प्रतिनिधिसभाको अर्को बैठक भोलि चैत २३ गते सोमबार अपराह्न १ः०० बजे बस्नेछ । अब सो बैठकको संचालन नवनियुक्त सभामुख डोरप्रसाद अर्यालले गर्नेछन् ।
प्रतिक्रिया