नेपालगन्ज । सरकारले सरकारी कार्यालय, सार्वजनिक निकाय र शैक्षिक संस्थाहरुमा साताको २ दिन बिदा दिने निर्णय गरेसँगै नेपाल राष्ट्र बैंकले पनि बैंक तथा बित्तिय संस्थाहरुका लागि नयाँ समय तालिका सार्वजनिक गरेको छ । सरकारको निर्णय सार्वजनिक भएसँगै राष्ट्र बैंकका गभर्नरको निर्णय बमोजिम बैंक तथा बित्तिय संस्थाहरुका लागि नयाँ समय तालिका निर्धारण भएको हो ।
राष्ट्र बैंकले आज साँझ सूचना जारी गर्दै भोलिदेखि लागू हुने गरी प्रत्येक शनिबार र आइतवार सार्वजनिक बिदा हुने जनाएको छ । सूचनामा बैंकहरुको कार्यालय समय सोमबारदेखि शुक्रवारसम्म बिहान ९ः०० बजेदेखि अपरान्ह ५ः०० बजेसम्म कायम गर्ने तथा कार्तिक १६ देखि माघ १५ गतेसम्मको कार्यालय समय विहान ९ः०० बजेदेखि अपरान्ह ४ः०० बजेसम्म कायम गर्ने उल्लेख छ ।
त्यसैगरि राष्ट्र बैंकको सूचनामा बैंकिङ कारोबार समय सोमबारदेखि शुक्रबारसम्म बिहान ९ः०० बजेदेखि अपरान्ह ४ः००जेसम्म तथा कार्तिक १६ देखि माघ १५ गतेसम्मको बैंकिङ कारोबार समय विहान ९ः०० बजेदेखि अपरान्ह ३ः०० बजेसम्म कायम हुने जनाइएको छ ।
प्रतिक्रिया