बुटवल । रोटरी र रोट्याक्ट क्लबहरु बिचमा खेलमार्फत भातृत्व विकास गर्ने उदेश्यका साथ क्लबस्तरीय भलिबल प्रतियोगिता हुने भएको छ । रोट्याक्ट क्लब अफ बुटवल साउथको आयोजनामा स्वर्गिय कमल राज पाठकको स्मृतिमा चैत २७ र २८ गते १३ औ संस्करणको अन्तर क्लबस्तरीय भलिबल प्रतियोगिता हुने भएको हो ।
बुधबार बुटवलमा पत्रकार सम्मेलन गरि प्रतियोगिताको सबै तयारी पुरा भएको आयोजक क्लबका कावा अध्यक्ष सुलभ घिमिरेले बताए । देविनगरस्थित न्यू होराईजन भलिबल कोर्टमा हुने प्रतियोगितामा यस क्षेत्रका रोटरी, रोट्याक्ट गरि डेढ दर्जन क्लबहरुले भाग लिने उनले बताए । स्वर्गिय पाठकको परिवारबाट स्थापना गरिएको ५ लाख रुपैयाको अक्षयकोषको ब्याज र क्लबको ईन्ट्रीबाट प्रतियोगिता आयोजना गरिने उनले बताए ।
प्रतियोगिताको उपाधि विजेता टिमले रनिङशिल्ड, मेडल, प्रमाणपत्र तथा उपविजेता टिम तथा उत्कृष्ट खेलाडीहरुलाई समेत पुरस्कृत गरिने खेल संयोजक रोशनी भण्डारीले बताईन । क्लबको सिग्नेचर प्रोजेक्टका रुपमा प्रतियोगिता रहेको उनले बताईन ।
प्रतियोगितामा १२ रोट्याक्ट र ५ रोटरी क्लब सहभागी रहने उनले बताईन । गतवर्ष रोटरी क्लब अफ ई मेडिकोफ्युजन तथा रोट्याक्ट मणिग्राम विजेता रहेको थियो ।
प्रतिक्रिया