काठमाडौं । प्रतिनिधिसभाको उपसभामुख पदमा श्रम संस्कृति पार्टीकी रुबीकुमारी ठाकुर निर्वाचित भएकी छन् । शुक्रबार भएको निर्वाचनमा राष्ट्रिय प्रजातन्त्र पार्टी (राप्रपा) की सरस्वती लामालाई पराजित गर्दै ठाकुर निर्वाचित भएको सभामुख डीपी अर्यालले सदनलाई जानकारी गराएका हुन् ।
ठाकुरलाई उनको दल श्रम संस्कृति पार्टीसहित सत्तारुढ राष्ट्रिय स्वतन्त्र पार्टी (रास्वपा), नेपाली कांग्रेस र नेकपाको समर्थन प्राप्त भएको थियो । राप्रपाले भने एकल प्रतिस्पर्धा गरेको थियो भने नेकपा एमालेले निर्वाचनमा भाग लिएको थिएन ।
निर्वाचनमा कुल २५६ सांसद सहभागी भएका थिए । जसमध्ये २२९ जनाले ठाकुरको पक्षमा मतदान गरेका थिए भने विपक्षमा ५ मत खसेको थियो । साथै, २२ जना सांसद तटस्थ बसेका थिए । सरस्वती लामाले ५ मत प्राप्त गरेकी छन् ।
प्रतिक्रिया