काठमाडौं । नेपाली बजारमा सुनचाँदीको मूल्य आज पनि उकालो लागेको छ। आज सुनको भाउ प्रतितोला १ सय रुपैयाँले बढेर ३ लाख २ हजार ८ सय रुपैयाँ पुगेको छ।
यसअघि हिजो सुनको मूल्य एकैदिन ६ हजार रुपैयाँले बढेर प्रतितोला ३ लाख २ हजार ७०० रुपैयाँ कायम भएको थियो। त्यस्तै, चाँदीको मूल्य पनि हिजो ३२० रुपैयाँले वृद्धि भई ५ हजार २२० रुपैयाँ पुगेको थियो।
आज चाँदीको भाउ पनि सामान्य वृद्धि देखिएको छ। प्रतितोला ३० रुपैयाँले बढेर चाँदीको मूल्य ५ हजार २५० रुपैयाँ कायम भएको छ।
गत माघ १५ गते सुनको मूल्य एकैदिन २० हजार ५ सय रुपैयाँले उकालो लाग्दै ३ लाख ३९ हजार ३ सय रुपैयाँ पुगेको थियो, जुन हालसम्मकै उच्च मूल्य हो।
प्रतिक्रिया