गगन थापा नेतृत्वको कांग्रेसलाई सर्वोच्चको आधिकारीकता

काठमाडौं । नेपाली कांग्रेसको आधिकारीकता सम्बन्धि मुद्दामा सर्वोच्च अदालतबाट गगन थापा नेतृत्वको टिमलै नै आधिकारीकता पाएको छ।

सर्वोच्च अदालतले विशेष महाधिवेशनबाट चुनिएको थापा नेतृत्वको टिमलाई आधिकारीकता प्रदान गर्ने निर्वाचन आयोगको निर्णय सदर गर्दै शेरबहादुर देउवा र पूर्णबहादुर खड्काले दायर गरेको रिट खारेज गरिदिएको छ ।

बिहीबार र शुक्रबारको सुनुवाइपछि न्यायाधिश शारङ्गा सुवेदी र नृपध्वज निरौलाको इजलासले देउवा र खड्काले दायर गरेको रिट खारेज गरेको हो । अदालतको आदेश आएसँगै माघबाट सुरु भएको कांग्रसको विवाद कानुनी रुपमै किनारा लागेको छ।

पूर्वसभापति देउवा र कार्यबाहक सभापति खड्काले माघ ४ गते निर्वाचन आयोगको निर्णय खारेज गर्न माग गर्दै वारेस मार्फत सर्वोच्चमा रिट दायर गरेका थिए। रिट निवेदन दर्ता गरेका सो समुहबाट पूर्व उपसभापति खड्काले कांग्रेसमा कार्यकाहक सभापतिकै हैसियतमा समानान्तर गतिबिधि सञ्चालन गर्दै आएका थिए ।

६ गते प्रारम्भिक सुनुवाइ गर्दै सर्वोच्चका न्यायाधिश सुनिल कुमार पोखरेलको इजलासले अन्तरिम आदेश दिन अस्वीकार गर्दै १५ दिनभित्रमा विपक्षीसँग लिखित जवाफ माग गरेको थियो।

थापा नेतृत्वले अदालतमा मुद्दा कायम रहेकै अवस्थामा कांग्रेसको नियमित महाधिवेशन असोज १६ गतेदेखि १९ गतेसम्ममा गर्ने घोषणा गरेको छ। देउवा समूहले सो निर्णय विरुद्धपनि चैत २६ गते अर्को रिट दायर गर्दै यो महाधिवेशनको कार्यतालिका कार्यान्वयनमा रोक लगाउन माग गरेका थिए।