बर्दिया । बर्दियामा एम्बुलेन्सको ठक्करबाट दुई जनाको ज्यान गएको छ । एम्बुलेन्सको ठक्करबाट दुई जना घाइते भएका छन् ।
बाँकेको कोहलपुरबाट बर्दियाको राजापुरतर्फ जाँदै गरेको लुम्बिनी बिएए-०३-०५ एम्बुलेन्सले आज बिहान सडकमा पैदल हिँडिरहेका चार जनालाई ठक्कर दिएको जिल्ला प्रहरी कार्यालय बर्दियाले जनाएको छ।
प्रहरीका अनुसार गुलरिया(७ स्थित वन डिभिजन कार्यालय नजिक एम्बुलेन्सले बिहानै योग गर्न आयुर्बेद अस्पताल जाँदै गरेका चार जनालाई ठक्कर दिएको हो । दुर्घटनामा गुलरिया नगरपालिका ५ का स्थानीयउ ५५ वर्षीय भूमि लामिछाने र उनका अन्दाजी ट(७ वर्षीय नाति रिहान्स खरेलको मृत्यु भएको जिल्ला प्रहरी कार्यालय बर्दियाका प्रहरी निरीक्षक प्रकाश कार्कीले जानकारी दिए।
दुर्घटनामा मृतक भूमिकी पत्नि सीता लामिछाने र अर्का स्थानीय सूर्य उपाध्याय घाइते भएका छन्। उनीहरूको नेपालगन्ज शिक्षण अस्पताल कोहलपुरमा उपचारका लागि पठाइएको प्रहरी निरीक्षक कार्कीले बताए ।
बिहानै योग गर्न आयुर्बेद अस्पताल जाने क्रममा सडक पार गरिरहँदा तीव्र गतिमा आएको एम्बुलेन्सले उनीहरूलाई एकसाथ ठक्कर दिएको हो।
एम्बुलेन्सको ठक्करबाट मृत्यु भएका लामिछाने योग गुरुसमेत रहेका प्रहरीले जनाएको छ।
प्रतिक्रिया