काठमाडौं । गृहमन्त्री सुधन गुरुङले पदबाट राजीनामा दिएपछि गृह मन्त्रालयको जिम्मेवारी तत्कालका लागि प्रधानमन्त्री बालेन शाहले नै सम्हाल्ने भएका छन् । प्रधानमन्त्रीको सचिवालयका अनुसार उक्त जिम्मेवारी हाल प्रधानमन्त्रीकै मातहत राखिएको हो ।
विवादित व्यापारी दीपक भट्टसँग साझेदारी रहेको तथ्य बाहिरिएपछि गुरुङ विवादमा तानिएका थिए । त्यसपछि उनले आफूमाथि निष्पक्ष छानबिन होस् भन्ने माग गर्दै पदबाट राजीनामा दिएका हुन् ।
सरकार गठन भएको २६ दिनमै गृहमन्त्री गुरुङले पद छाडेका हुन् । आफ्नो सम्पत्तिमाथि प्रश्न उठेपछि उनले प्रधानमन्त्रीसँग भेट गरी राजीनामा बुझाएका थिए ।
प्रतिक्रिया