सुकुम्बासी बस्ती खाली गराउन प्रहरीको माइकिङ

काठमाडौं । थापाथलीस्थित सुकुम्बासी बस्ती शनिबार बिहानदेखि खाली गराइने सूचना दिँदै प्रहरीले माइकिङ गरेको छ।

शुक्रबार साँझसम्म बस्ती खाली गर्न निर्देशन दिँदै प्रहरीले माइकिङ गरेको हो ।

प्रधानमन्त्री बालेन्द्र शाहको निर्देशनमा प्रहरीले वैशाख १२ गते बिहान ६ बजेदेखि थापाथलीको सुकुम्बासी बस्ती खाली गर्ने तयारी अनुसार माइकिङ गरिएको छ ।
बिहीबार साँझ नेपाल प्रहरी र सशस्त्र प्रहरीको भ्यानसहित पुगेको महानगर प्रहरी टोलीले माइकिङ गर्दै वैशाख १२ गते बिहान ६ बजेदेखि बस्ती खाली गराइने जानकारी गराएको छ ।

उता, संयुक्त राष्ट्रिय सुकुम्बासी मोर्चाले भने बल प्रयोग गरेर बस्ती हटाउन खोजिए प्रतिवाद गर्ने चेतावनी दिएको छ। बिहीबार बसेको मोर्चाको बैठकले बस्ती हटाउने प्रयास भए प्रतिकार गर्ने निर्णय गरेको हो ।

प्रधानमन्त्री शाहले मंगलबार सुरक्षा निकायका प्रमुखहरुलाई बोलाएर जस्तोसुकै अवस्थामा पनि सुकुम्बासी बस्ती खाली गर्न निर्देशन दिएका थिए ।