पोखरा । पूर्वराजा ज्ञानेन्द्र शाह एक महिना बसाईका लागि पोखरा पुगेका छन्। ज्ञानेन्द्रलाई उनका समर्थकहरुले पोखरा एयरपोर्टमै बाजागाजा सहित स्वागत गरेका छन्।
ज्ञानेन्द्र करिव १ महिना पोखरा बस्ने उनको सचिवालय निकट स्रोतले जनाएको छ। पोखराको लेकसाइडमा हालै संचालनमा आएको आफ्नै प्रमुख लगानी रहेको होटल सोल्टी होटलमा बस्नेछन् ।
ज्ञानेन्द्रको पोखरा यात्रालाई पारिवारिक र धार्मिक यात्रा भनिएपनि उनको यो आगमनलाई राजावादीहरुलाई एक ठाउँमा उभ्याउने उद्देश्यले निर्देशित भएको राजावादीहरुको भनाई छ। पर्यटन आगमनको सिजनलाई ध्यानमा राख्दै आफ्नै मुख्य लगानी रहेको होटलको व्यवसाय हेर्न ज्ञानेन्द्र पोखरा आएको हुन सक्ने पोखराका एक पर्यटन व्यवसायीले नाम नछाप्ने शर्तमा बताए ।
नागरिक समाजको तर्फबाट भन्दै पूर्वपत्रकार केशव भण्डारीको संयोजकत्वमा गठित स्वागत समितिको तर्फबाट उनको स्वागतको व्यवस्थापन मिलाइएको थियो।
प्रतिक्रिया