काठमाडौं । राष्ट्रिय प्रजातन्त्र पार्टी (राप्रपा)का नेता तथा पूर्वमन्त्री विक्रम पाण्डे पक्राउ परेका छन् । उनलाई नेपाल प्रहरीको केन्द्रीय अनुसन्धान ब्यूरो (सीआईबी)ले शुक्रबार पक्राउ गरेको हो ।
पाण्डे राप्रपाका वरिष्ठ नेता एवं उपाध्यक्षसमेत हुन् । आफू अनुकूल ठेक्का पार्ने प्रयासमा ई-बिडिङ प्रणालीको वेबसाइट ह्याक गरेको आरोपमा उनलाई नियन्त्रणमा लिइएको प्रहरीले जनाएको छ ।
२०७९ को निर्वाचनमा चितवन क्षेत्र नम्बर ३ बाट प्रतिनिधिसभा सदस्य निर्वाचित पाण्डेविरुद्ध यसअघि पनि मुद्दा दायर भएको थियो । २०७५ सालमा सिक्टा सिँचाइ आयोजनामा गुणस्तरहीन काम गरेको आरोपमा अख्तियारले उनीविरुद्ध मुद्दा चलाएको थियो ।
उक्त मुद्दामा उनी ४ करोड रुपैयाँ धरौटी बुझाएर रिहा भएका थिए ।
प्रतिक्रिया