बुटवल । पहाडका अर्गानिक उत्पादन शहरबासीलाई खुवाउने उद्देश्यसहित बुटवलको ट्राफिकचोकमा कुसुम अर्गानिक कोशेली घर सञ्चालनमा आएको छ । विशेषगरी गुल्मीको छापचौर, फोक्सिङ, भुर्तुङ, पूर्तिघाट, कोरेङ लगायतका ठाउँमा उत्पादिन कृषिजन्य खाद्य वस्तु विक्री वितरण गर्ने गरी कुशुम बहुउद्देश्यीय सहकारी संस्थाले कृषि मार्ट सञ्चालनमा आएको हो ।
कोशेली घरको उद्घाटन आइतबार भुर्तुङ छापचौर तराई सम्पर्क मञ्चका अध्यक्ष क्याप्टेन राजकुमार केसीले उद्घाटन गरे । सो अववसरमा बोल्दै केसीले बजारमा अर्गानिक उत्पादनको माग बढदै गएकोले सबैको चाहना अनुसार मार्ट सञ्चालन हुने बताए । गाउँमा उत्पादनको बजार ग्यारेन्टी भए किसानमा कृषि उत्पादनमा हौसला बढने बताए ।
सहकारीका अध्यक्ष केशवराज ढकालले मार्टमा अर्गानिक खाद्यवस्तु र हस्तकलाका सामग्री विक्री गरिने बताए । मार्टमा आटो, पिठो, गेडागुडीदेखि सबै सबैजसो गाउका उत्पादनहरु उपलब्ध हुने ढकालले बताए । सहकारीका सञ्चालक मनोज घिमिरेले ‘किसानको आलीदेखि उपभोक्ताको थालीसम्म’ अर्गानिक उत्पादन भन्ने नाराका साथ अघि बढेको बताए ।
कार्यक्रममा नेपाल पत्रकार महासंघ, रुपन्देहीका उपाध्यक्ष विश्वास ढकालले विषादीरहित खाद्यवस्तुमा माग बढदै गएको बताउदै माटमा त्यस्ता वस्तु विक्री वितरण गर्न सुझाव दिए । माटमा ८ जना युवाहरुको लगानी गरेका छन । केशवराज ढकाल, मनोज घिमिरे, सागर शर्मा, सुरेन्द्रमान भारी, राजकुमार दाहाल, मथुरा आचार्य, कृष्ण कार्की र विमला शर्मा रहेका छन् ।
प्रतिक्रिया