रोल्पा । रोल्पामा जिप दुर्घटना हुँदा १६ जना घाइते भएका छन् । बिहीबार रुकुम पूर्वबाट जलजलातर्फ जाँदै गरेको लु१ज ४१६७ नम्बरको बोलेरो जिप दुर्घटना हुँदा १६ जना घाइते भएकोमा १५ जनाको अवस्था गम्भीर रहेको प्रहरीले जनाएको छ।
प्रहरीका अनुसार रोल्पाको थवाड गाउँपालिका-१, जलजलामा सो बोलेरो जिप भीरबाट सडकदेखि तल खसेको हो । घाइते मध्य १५ जनाको अवस्था गम्भीर रहेको र एक जना सामान्य घाइते रहेको प्रहरीले जनाएको छ ।
उनीहरूलाई उपचारका लागि स्थानीय स्वास्थ्य संस्थामा पठाउन लागिएको प्रहरीले जनाएको छ।
प्रतिक्रिया