काठमाडौं । आईसीसी पुरुष क्रिकेट विश्वकप लिग-२ अन्तर्गत आज ओमान र यूएईबीच प्रतिस्पर्धा हुँदैछ । खेल त्रिवि क्रिकेट मैदानमा बिहान साढे ९ बजेदेखि सुरु हुनेछ ।
जारी सिरिजमा ओमानले खेलेका दुई खेलमध्ये एकमा जित र एकमा हार बेहोरेको छ । यूएईले भने नेपालसँगका खेलमा हार व्यहोरे पनि ओमानलाई पराजित गर्दै एक जित हात पारेको छ ।
अंकतालिकाअनुसार ओमान २६ खेलमा ३१ अंकसहित तेस्रो स्थानमा रहेको छ भने यूएई २३ खेलमा १२ अंकसहित पुछारमा छ ।
दुवै टोलीबीच एकदिवसीय अन्तर्राष्ट्रिय क्रिकेटमा हालसम्म १० पटक प्रतिस्पर्धा हुँदा ओमानले ६ खेल जितेको छ भने यूएईले ३ खेल जितेको छ । एक खेल बराबरीमा सकिएको छ ।
प्रतिक्रिया