काठमाडौं । नेपाल चलचित्र कलाकार संघको अध्यक्षमा कलाकार उत्तम केसी निर्वाचित भएका छन् । गएराति सार्वजनिक अन्तिम मतपरिणामअनुसार केसीले २१६ मत प्राप्त गर्दै विजय हासिल गरेका हुन् ।
उनका निकटतम प्रतिस्पर्धी सविन श्रेष्ठले १३२ मत प्राप्त गरेका थिए । निर्वाचनमा कुल ३५६ मत खसेको थियो । संघको महिला उपाध्यक्षमा पूजना प्रधान १४४ मतसहित निर्वाचित भएकी छन् भने उपाध्यक्षमा शिवहरि बैरागी १४६ मत प्राप्त गर्दै विजयी भएका छन् ।
महासचिव पदमा सुनील कटवाल १९५ मतसहित निर्वाचित भए । सचिवमा गोपाल ढकाल २१४ मत प्राप्त गर्दै विजयी भए । त्यस्तै, कोषाध्यक्षमा तेजुला खतिवडा १४९ मतसहित निर्वाचित हुँदा सहकोषाध्यक्ष पदमा पवन केसी १६१ मतसहित विजयी भएका छन् ।
संघको सदस्य पदमा इन्द्रबहादुर लामा, चन्द्रकला दाहाल, चन्द्रकला राई, छुल्ठिम गुरुङ, जीवन थापा, दमन रुपाखेती, नवीनकुमार श्रेष्ठ, रश्मि भट्ट, श्रीदेव भट्टराई र सुलेमान निर्वाचित भएका छन् ।
प्रतिक्रिया