काठमाडौं । प्रधानमन्त्री बालेन्द्र शाह (बालेन) ले आज नेपालस्थित युरोपेली संघ (ईयू) मा आबद्ध देशका गैरआवासीय राजदूत तथा मिसन प्रमुखहरूसँग सामूहिक भेटवार्ता गर्दैछन् ।
प्रधानमन्त्री तथा मन्त्रिपरिषद्को कार्यालयमा बिहान ११ः३० बजे हुने कार्यक्रममा प्रधानमन्त्री बालेनले विभिन्न देशका कूटनीतिक प्रतिनिधिसँग संयुक्त संवाद गर्ने कार्यक्रम तय भएको प्रधानमन्त्रीको सचिवालयले जनाएको छ ।
प्रधानमन्त्रीकी प्रेस तथा अनुसन्धानविज्ञ दीपा दाहालका अनुसार भेटवार्ताका क्रममा नेपालको वर्तमान प्राथमिकता, द्विपक्षीय सम्बन्ध सुदृढीकरण तथा सहकार्यका विविध विषयमा छलफल हुनेछ ।
उनका अनुसार नेपाल र युरोपेली मुलुकबीचको सम्बन्धलाई थप मजबुत बनाउने, विकास सहकार्य विस्तार गर्ने तथा साझा चासोका विषयमा संवाद केन्द्रित हुने कार्यक्रम रहेको छ ।
यसअघि गत चैत २५ गते पनि प्रधानमन्त्री बालेनले नेपालस्थित विभिन्न देशका राजदूत तथा कूटनीतिक नियोगका प्रमुखहरूसँग सामूहिक भेट तथा संवाद गरेका थिए ।
प्रधानमन्त्री बालेनले हालसम्म भने कुनै पनि देशका राजदूतसँग छुट्टाछुट्टै औपचारिक भेटवार्ता नगरेको जनाइएको छ ।
प्रतिक्रिया