काठमाडौं । राष्ट्रिय स्वतन्त्र पार्टी (रास्वपा) का सभापति रवि लामिछानेले भारत भ्रमणको अन्तिम दिन अयोध्या पुगेर राम मन्दिरमा दर्शन तथा पूजा गरेका छन् ।
लामिछाने पत्नी निकिता पौडेल, पार्टीका सहमहामन्त्री विपिनकुमार आचार्य तथा प्रतिनिधिसभा सदस्य दीपक बोहोरासहित अयोध्या पुगेका हुन्। उनीहरूले राम मन्दिरमा दर्शन र पूजा-अर्चना गरेका छन् ।
पाँचदिने भारत भ्रमण पूरा गरेर रवि नेतृत्वको रास्वपा टोली आजै स्वदेश फर्किने कार्यक्रम रहेको छ । भारतको सत्तारुढ भारतीय जनता पार्टी (भाजपा) का अध्यक्ष नितिन नवीनको निमन्त्रणामा लामिछाने जेठ १८ गते भारत भ्रमणमा गएका थिए ।
भ्रमणका क्रममा उनले भारतीय प्रधानमन्त्री नरेन्द्र मोदीसहित विभिन्न उच्चस्तरीय राजनीतिक नेतृत्वसँग भेटवार्ता गरेका थिए ।
यता रास्वपाकै नेता तथा परराष्ट्रमन्त्री शिशिर खनाल भने आजदेखि भारतको औपचारिक भ्रमणमा जाँदै छन् ।
प्रतिक्रिया