काठमाडौं । काठमाडौंको तारकेश्वर नगरपालिका-६ लोलाङ पैँयुटारमा श्रीमानको कुटपिटबाट एक महिलाको मृत्यु भएको छ ।
प्रहरीका अनुसार स्थानीय ४२ वर्षीय कुमार थापा मगरले घरायसी विवादका क्रममा फलामको रडले प्रहार गर्दा उनकी श्रीमती ४२ वर्षीया ईश्वरी भुजेल गम्भीर घाइते भएकी थिइन् ।
घाइते भुजेललाई उपचारका लागि त्रिभुवन विश्वविद्यालय शिक्षण अस्पताल, महाराजगञ्ज लगिएको थियो । उपचारकै क्रममा बिहीबार राति उनको मृत्यु भएको प्रहरीले जनाएको छ ।
घटनामा संलग्न आरोपित कुमार थापा मगरलाई प्रहरीले नियन्त्रणमा लिएको छ । घटनाबारे थप अनुसन्धान भइरहेको प्रहरीले जनाएको छ ।
प्रतिक्रिया