काठमाडौं । सर्लाहीमा पेट्रोल छर्किएर आत्मदाहको प्रयास गरेका विवेक मण्डलको उपचारकै क्रममा निधन भएको छ ।
कीर्तिपुरस्थित बर्न अस्पतालमा उपचाररत मण्डलको सोमबार राति करिब १२ बजे निधन भएको अस्पतालका निर्देशक डा. किरण नकर्मीले जानकारी दिएका छन् ।
सर्लाहीबाट प्रतिनिधिसभा सदस्य अमेरशकुमार सिंहले पनि सामाजिक सञ्जालमार्फत मण्डलको निधन भएको पुष्टि गरेका छन् ।
सांसद सिंहले मण्डलका परिवारप्रति समवेदना व्यक्त गर्दै आगामी दिनमा आफूबाट हुन सक्ने हरेक सहयोग गर्ने प्रतिबद्धतासमेत जनाएका छन् ।
मण्डलले सर्लाहीमा आफ्नै शरीरमा पेट्रोल छर्किएर आत्मदाहको प्रयास गरेका थिए । गम्भीर घाइते भएका उनलाई थप उपचारका लागि कीर्तिपुरस्थित बर्न अस्पताल ल्याइएको थियो। तर, उपचारकै क्रममा उनको निधन भएको हो ।
घटनाबारे सम्बन्धित निकायले थप अनुसन्धान गरिरहेको छ । यो सँगै एकसातामा आत्मदाहबाट निधन हुनेको संख्या तीन पुगेको छ ।
प्रतिक्रिया