काठमाडौं । मुग्लिन-नारायणगढ सडकखण्डअन्तर्गत सिमलताल नजिकै मंगलबार बिहान पहिरो खस्दा सडक दुवैतर्फी रूपमा अवरुद्ध भएको छ ।
सडक डिभिजन कार्यालय भरतपुरका अनुसार बिहान करिब ७ बजे सिमलतालमा पहिरो खसेपछि सवारी साधनको आवतजावत पूर्ण रूपमा ठप्प भएको हो ।
पहिरो पन्छाएर यातायात सञ्चालनमा ल्याउन सडक डिभिजन कार्यालयका उपकरण तथा प्राविधिक टोली परिचालन गरिएको जनाएको छ । पहिरो हटाउने कार्य जारी रहेकाले यात्रुलाई आवश्यक सतर्कता अपनाउन र सडकको पछिल्लो अवस्थाबारे जानकारी लिएर मात्र यात्रा गर्न सडक डिभिजन कार्यालयले आग्रह गरेको छ ।
प्रतिक्रिया