चितवन । निरन्तरको वर्षासँगै पहिरो खसेपछि नारायणगढ-मुग्लिन सडकखण्ड अवरुद्ध भएको छ ।
नारायणगढ-मुग्लिन सडकखण्डअन्तर्गत नाम्सी खोलामा पहिरो खसेपछि सडक अवरुद्ध भएको जिल्ला ट्राफिक प्रहरी कार्यालय चितवनले जनाएको छ ।
जिल्ला ट्राफिक प्रहरी कार्यालयका प्रमुख अनिल थापाका अनुसार पहिरो खसेपछि सडकमा सवारीसाधन सञ्चालन प्रभावित भएको छ । अहिले पहिरो पन्छाएर सडकमा यातायात सञ्चालन गर्ने प्रयास भइरहेको उनले बताए ।
निरन्तर वर्षा भइरहेकाले सडकखण्डका विभिन्न स्थानमा थप पहिरो खस्न सक्ने जोखिम रहेकाले यात्रुलाई आवश्यक सावधानी अपनाउन प्रहरीले आग्रह गरेको छ ।
प्रतिक्रिया