काठमाडौं । जनआस्थाका प्रधान सम्पादक किशोर श्रेष्ठलाई थप तीन दिन हिरासतमा राखेर अनुसन्धान गर्न जिल्ला अदालत काठमाडौंले अनुमति दिएको छ।
अदालतको आदेशपछि श्रेष्ठलाई काठमाडौं प्रहरी परिसरमा लगिएको पत्रकार महासंघका कोषाध्यक्ष रामकृष्ण अधिकारीले जानकारी दिएका छन्।
श्रेष्ठलाई यसअघि पक्राउ गरी हिरासतमा राखिएको थियो। अनुसन्धानका लागि थप समय आवश्यक परेको भन्दै प्रहरीले अदालतसमक्ष म्याद थपको माग गरेको थियो।
यसैबीच, श्रेष्ठको परिवारले उनको रिहाइको माग गर्दै सर्वोच्च अदालतमा बन्दी प्रत्यक्षीकरणको रिट दर्ता गराएको छ।
परिवारले गैरकानुनी रूपमा हिरासतमा राखिएको दाबी गर्दै तत्काल अदालतमा उपस्थित गराई रिहा गर्न माग गरेको हो।
प्रतिक्रिया