बागलुङ । बागलुङको ताराखोलामा गएराति पहिरोले घर पुरिँदा एक जनाको घटनास्थलमै मृत्यु भएको छ। ताराखोला गाउँपालिका–५ धम्मरस्थित घरमाथिबाट खसेको पहिरोमा पुरिएर ६९ वर्षीय मनबहादुर रोकाको ज्यान गएको हो।
जिल्ला प्रहरी कार्यालय बागलुङका प्रमुख प्रहरी उपरीक्षक फणिन्द्र प्रसाईँका अनुसार राति घरको पिँढीमा सुतिरहेका बेला माथिबाट अचानक खसेको पहिरोले पुरिएर रोकाको मृत्यु भएको हो।
उक्त घरमा मनबहादुर र उनका वृद्ध बुबा सल्ले रोका बस्दै आएका थिए। घटनाका बेला बुबा छोरीको घरमा गएकाले सकुशल रहेको प्रहरीले जनाएको छ। मृतकका श्रीमती र छोराछोरी भने अर्कै घरमा बस्दै आएका थिए। पहिरो गएको खबर पाएलगत्तै पुगेको प्रहरी र स्थानीयको टोलीले रोकाको शव बाहिर निकालेको थियो।
प्रतिक्रिया