काठमाडौं । पछिल्लो २४ घण्टामा देशका विभिन्न स्थानमा भएका सवारी दुर्घटनामा परी ५ जनाको मृत्यु भएको छ भने ७१ जना घाइते भएका छन्।
नेपाल प्रहरीका अनुसार दुर्घटनामा सबैभन्दा बढी क्षति लुम्बिनी प्रदेशमा भएको छ, जहाँ ३ जनाको ज्यान गएको छ। यसैगरी मधेश प्रदेश, सुदूरपश्चिम प्रदेश र काठमाडौं उपत्यकामा एक–एक जनाको मृत्यु भएको छ।
देशभर भएका छुट्टाछुट्टै दुर्घटनामा परी कुल ७१ जना घाइते भएका छन्। घाइते हुनेहरूमा कोशी प्रदेशका १७ जना र लुम्बिनी प्रदेशका १६ जना रहेका छन्। त्यस्तै मधेश प्रदेशमा १० जना, कर्णाली प्रदेशमा ९ जना तथा गण्डकी प्रदेश, सुदूरपश्चिम प्रदेश र काठमाडौं उपत्यकामा ६–६ जना घाइते भएका छन्। बागमती प्रदेशमा भने १ जना घाइते भएको प्रहरीले जनाएको छ।
दुर्घटनाका घाइतेहरूको स्थानीय तथा देशका विभिन्न अस्पतालहरूमा उपचार भइरहेको छ।
प्रतिक्रिया