रौतहट । नुवाकोटको विदुरमा भोटेकोशी बाढीबाट प्रभावित परिवारलाई रौतहटका मुस्लिम अगुवाहरुले ग्यास चुल्हो तथा सिलिन्डरसहित राहत सामग्री उपलब्ध गराइएका छन् ।
रौतहटको गुजरा नगरपालिका–५ का वडाध्यक्ष शेख जमालुदिनको नेतृत्वमा मुस्लिम अगुवा, समाजसेवी तथा व्यवसायी फारूक सेठ र शेख इर्शादको सहयोगमा बाढीपीडित परिवारलाई ७५ थान ग्यास चुल्हो तथा सिलिन्डरसहितको सेट वितरण गरिएको हो।
बाढीपछि घर, खाद्यान्न तथा दैनिक उपभोगका सामग्री गुमाएका प्रभावित परिवारका लागि राहत सामग्री वितरण गरिएको वडाध्यक्ष शेखले बताए । विशेषगरी ग्यास चुल्हो र सिलिन्डर वितरणले प्रभावित परिवारलाई तत्काल खाना पकाउने आधार उपलब्ध गराउने भएकाले यसलाई सामान्य राहतभन्दा व्यवहारिक सहयोगका रुपमा उपलब्ध गराइएको उनले बताए।
प्रतिक्रिया