३ मंसिर २०८३, बिहिबार | November 19, 2026

भोटेकोसी-त्रिशूली विपद्सम्बन्धी संसदीय विशेष समितिको सभापतिमा गणेश पराजुली चयन



काठमाडौं । ‘हिमालमा जलवायु परिवर्तन तथा भोटेकोसी–त्रिशूली विपद्सम्बन्धी संसदीय विशेष समिति’को सभापतिमा सांसद गणेश पराजुली चयन भएका छन्।

सिंहदरबारस्थित संघीय संसद्को कार्यव्यवस्था हलमा बुधबार बसेको समितिको बैठकले पराजुलीलाई सभापतिमा चयन गरेको हो। पराजुलीको सभापतिमा यसअघि एकल उम्मेदवारी परेको थियो।

प्रतिनिधिसभाले गठन गरेको १५ सदस्यीय विशेष समितिलाई हिमाली क्षेत्रमा जलवायु परिवर्तनको प्रभाव, जलवायु न्याय तथा भोटेकोसी–त्रिशूली क्षेत्रमा भएका विपद्का विषयमा अध्ययन गर्ने जिम्मेवारी दिइएको छ।

समितिले भोटेकोसी–त्रिशूली क्षेत्रमा भएको विपद्को अवस्था र त्यसबाट परेको प्रभावबारे अध्ययन गर्नुका साथै प्रभावित नागरिकको पुनःस्थापना, दिगो पुनर्निर्माण तथा भविष्यमा हुन सक्ने जोखिम न्यूनीकरणका उपायबारे अध्ययन गर्नेछ।

त्यस्तै, जलवायु परिवर्तनबाट हिमाली क्षेत्रमा बढ्दै गएको जोखिम, जलवायु न्याय तथा आवश्यक कानुनी र संस्थागत सुधारका विषयमा अध्ययन गरी राज्यले अवलम्बन गर्नुपर्ने कार्यदिशासहित सुझाव दिने कार्यादेश समितिलाई दिइएको छ।

समितिले अध्ययन तथा छलफलका क्रममा सम्बन्धित निकाय, विज्ञ तथा प्रभावित क्षेत्रका सरोकारवालासँग समेत आवश्यक परामर्श गर्नेछ।

प्रकाशित मिति : १४ आश्विन २०८३, बुधबार  ३ : ४२ बजे

Your email address will not be published.

संसदीय विशेष समितिको टोली विपद् प्रभावित क्षेत्रको अनुगमनमा

गण्डकी । राष्ट्रियसभाअन्तर्गतको भोटेकोशी एवं कालीगण्डकी करिडोर विपद्सम्बन्धी अध्ययन तथा

जनताका समस्या समाधान गर्न पार्टीभित्र एकता कायम गर्नुपर्छ

काठमाडौं । नेपाल कम्युनिष्ट पार्टी (एमाले)का उपाध्यक्ष रामबहादुर थापाले मुलुकको

मकवानपुरको भीमफेदीमा सुमो दुर्घटना : तीन जनाको मृत्यु, सात जना घाइते

हेटौंडा । मकवानपुरको भीमफेदीमा सुमो गाडी दुर्घटना हुँदा तीन जनाको

दुबई भ्रमण सकेर स्वदेश फर्किए गृहमन्त्री गुरुङ

काठमाडौं । गृहमन्त्री सुधन गुरुङ संयुक्त अरब इमिरेट्स (यूएई) को

राप्तीसोनारीका दश परिवारलाई जग्गाधनी प्रमाणपुर्जा वितरण

बाँके ३। बाँकेको राप्तीसोनारी गाउँपालिकाका भूमिहीन दलित तथा भूमिहीन सुकुम्वासीलाई