२९ कार्तिक २०८३, आइतबार | November 16, 2026

झलनाथले छाडे नेकपा, हरिबोलको साथमा खोले ‘समाजवादी जागरण अभियान’



काठमाडौं । पूर्वप्रधानमन्त्री तथा नेकपा वरिष्ठ नेता झलनाथ खनालले नेकपा परित्याग गर्दै ‘समाजवादी जागरण अभियान’ घोषणा गरेका छन्।

सोमबार काठमाडौंमा पत्रकार सम्मेलन गर्दै खनालले आफू नेकपाबाट अलग भएको घोषणा गरेका हुन्। उनले कम्युनिस्ट आन्दोलनलाई वैचारिक तथा राजनीतिक रूपमा पुनर्गठन गर्दै समाजवादी जागरणका लागि अभियान सञ्चालन गर्ने बताए।

खनालको नेतृत्वमा शनिबार भएको भेलाले अभियानसम्बन्धी १५ वटा प्रस्ताव पारित गरेको थियो। ती प्रस्तावमा विपद् जोखिमलाई ध्यानमा राखी राष्ट्रिय नीतिको पुनरवलोकनदेखि कम्युनिस्ट आन्दोलनको वैचारिक पुनर्गठनसम्मका विषय समेटिएका छन्।

भेलाले कम्युनिस्ट आन्दोलनलाई क्रान्तिकारी कार्यदिशाका आधारमा पुनर्गठन र पुनर्संरचना गर्दै वैचारिक तथा राजनीतिक एकताको आधार निर्माण गर्न विभिन्न कम्युनिस्ट समूहलाई आग्रह गरेको छ।

खनालले सबै कम्युनिस्ट क्रान्तिकारी शक्तिलाई सही वैचारिक तथा राजनीतिक कार्यदिशाका आधारमा एकताबद्ध गर्दै एकीकृत क्रान्तिकारी कम्युनिस्ट पार्टी निर्माणको दिशामा अघि बढ्नुपर्ने धारणा राखेका छन्।

भेलाबाट पारित प्रस्तावमा कम्युनिस्ट आन्दोलनका विगतका अनुभव, उपलब्धि, कमजोरी र चुनौतीको गम्भीर समीक्षा गर्दै नयाँ वैचारिक तथा राजनीतिक कार्यदिशाका आधारमा संगठनात्मक पुनर्गठन र एकीकरणको प्रक्रिया अघि बढाउन आह्वान गरिएको छ।

खनाल नेतृत्वको अभियानमा यसअघि नेकपा (माओवादी केन्द्र)बाट अलग भएका हरिबोल गजुरेललगायत नेताहरूको समेत सहभागिता रहेको बताइएको छ।

अभियानले कम्युनिस्ट आन्दोलनमा वैचारिक पुनर्गठनसँगै राजनीतिक एकताका लागि पहल गर्ने जनाएको छ। खनालले समाजवादी राजनीतिको नयाँ आधार निर्माण गर्न अभियानलाई अघि बढाउने बताएका छन्।

प्रकाशित मिति : १९ आश्विन २०८३, सोमबार  ४ : १६ बजे

Your email address will not be published.

इजाजत नभएका बन्दुक बरामद

म्याग्दी । म्याग्दीको मालिका गाउँपालिका(५ देवीस्थानबाट आज इजाजत नभएका चार

एनपिएल : पोखरा एभेन्जर्ससँग काठमान्डु गोर्खाज ५५ रनले पराजित

काठमाडौं । नेपाल प्रिमियर लिग (एनपिएल) को आइतबार भएको खेलमा

कालीगण्डकी करिडोर सडक पुन: अवरुद्ध

गुल्मी । सुक्खा पहिरो गएपछि कालीगण्डकी करिडोर सडक पुनः अवरुद्ध

घोप्टेभिरको सुक्खा पहिरोले अनिश्चित बनायो यात्रा

चितवन । गत साता नेपाल प्रिमियर लिग (एापिएल)हेर्न बसमा काठमाडौं

प्रधानमन्त्रीको सचिवालयका ‘विज्ञ’लाई संयोजक र उपसंयोजकको भूमिका

काठमाडौं । प्रधानमन्त्री बालेन्द्र शाहले आफ्नो निजी सचिवालयमा कार्यरत कर्मचारी