काठमाडौं । मन्त्रिपरिषद्को निर्णयबाट प्रहरी महानिरीक्षक (आईजीपी) पदबाट हटाइएका दानबहादुर कार्की सर्वोच्च अदालत जाने तयारीमा जुटेका छन् ।
सरकारले आज बसेको मन्त्रिपरिषद् बैठकबाट कार्कीलाई प्रहरी महानिरीक्षकबाट हटाउँदै एआईजी डा। मनोजकुमार केसीलाई नयाँ आईजीपी नियुक्त गर्ने निर्णय गरेको थियो ।
सरकारको निर्णय सार्वजनिक भएलगत्तै कार्कीले आफू निकट व्यक्तिहरूसँग कानुनी लडाइँमा जाने प्रतिक्रिया दिएका छन् । सरकारले पहिलेदेखि नै आफूलाई काम गर्न नदिएको र विभिन्न अप्ठ्यारा सिर्जना गर्दै आएको भन्दै उनले अब न्यायिक लडाइँ लड्ने बताएका छन् ।
कार्कीले अदालत जाने विषयमा कानुन व्यवसायीसँग अनौपचारिक परामर्श सुरु गरिसकेका छन् ।
सरकारको निर्णयविरुद्ध कार्कीले सर्वोच्च अदालतमा कानुनी चुनौती दिए भने प्रहरी नेतृत्व परिवर्तनको विषय न्यायिक प्रक्रियामा प्रवेश गर्ने सम्भावना छ ।
प्रतिक्रिया