३ मंसिर २०८३, बिहिबार | November 19, 2026

गोरुसिंगे-चन्द्रौटा सडक ६ लेनमा विस्तार हुने, ४ अर्ब ५६ करोडको ठेक्का सम्झौता



काठमाडौं । पूर्व–पश्चिम राजमार्गलाई चार लेनमा विस्तार गर्ने योजनाअन्तर्गत कपिलवस्तुको गोरुसिंगे–चन्द्रौटा सडक खण्ड विस्तारका लागि ठेक्का सम्झौता सम्पन्न भएको छ।

पूर्वाधारमन्त्री सुनिल लम्सालका अनुसार करिब ४ अर्ब ५६ करोड रुपैयाँ लागतमा निर्माण हुने उक्त आयोजना २ वर्ष ५ महिनाभित्र सम्पन्न गर्ने गरी सम्झौता गरिएको हो।

कुल १९.२ किलोमिटर लामो यो सडक खण्ड सर्भिस लेनसहित ६ लेनमा विस्तार गरिनेछ। सडक विस्तारसँगै यात्रु तथा सवारीसाधनको आवागमन सहज बनाउने र सडक सुरक्षालाई थप व्यवस्थित गर्ने उद्देश्य राखिएको छ।

आयोजनाअन्तर्गत दुईवटा ठूला पुल, ६ वटा साना पुल र ७२ वटा कल्भर्ट निर्माण गरिनेछन्। त्यसैगरी पैदलयात्रीका लागि दुईवटा अन्डरपास, सवारीसाधनका लागि एउटा अन्डरपास र एउटा आकाशे पुल निर्माण गर्ने योजना छ।

सडक विस्तारका क्रममा वन्यजन्तुको सुरक्षित आवागमनलाई ध्यानमा राख्दै वन्यजन्तुमैत्री संरचनासमेत निर्माण गरिने मन्त्री लम्सालले जानकारी दिएका छन्।

पूर्व–पश्चिम राजमार्ग विस्तारअन्तर्गतको यो आयोजना सम्पन्न भएपछि गोरुसिंगे–चन्द्रौटा खण्डको सडक क्षमता विस्तार हुनुका साथै यातायात व्यवस्थापन, सडक सुरक्षा र क्षेत्रीय आवागमनमा सुधार आउने अपेक्षा गरिएको छ।

प्रकाशित मिति : ३ मंसिर २०८३, बिहिबार  १ : ३४ बजे

Your email address will not be published.

उपभोक्तालाई स्वच्छ मासु उपलब्ध गराउन सरकारले सक्रियता बढाउँदै

काठमाडौं । सरकारले मासुको स्वच्छता र उपभोक्ताको स्वास्थ्यलाई मध्यनजर गर्दै

नयाँ पुस्ताको कूटनीति राष्ट्रिय हित र रणनीतिक क्षमतामा आधारित हुनुपर्छ : परराष्ट्रमन्त्री खनाल

काठमाडौं । परराष्ट्रमन्त्री शिशिर खनालले बदलिँदो विश्व परिवेशमा नेपालको राष्ट्रिय

गोरुसिंगे-चन्द्रौटा सडक ६ लेनमा विस्तार हुने, ४ अर्ब ५६ करोडको ठेक्का सम्झौता

काठमाडौं । पूर्व–पश्चिम राजमार्गलाई चार लेनमा विस्तार गर्ने योजनाअन्तर्गत कपिलवस्तुको

एपेक सम्मेलनमा ट्रम्प र सीबीच द्विपक्षीय वार्ता

अमेरिकी राष्ट्रपति डोनाल्ड ट्रम्प र चिनियाँ राष्ट्रपति सी चिनफिङबीच बिहीबार

एन्फामाथिको निलम्बन र प्रतिबन्ध फुकुवा गर्ने राखेपको निर्णय

काठमाडौं । राष्ट्रिय खेलकुद परिषद्ले अखिल नेपाल फुटबल संघ (एन्फा)माथि