असार १५ मनाउन जङ्गली च्याउ खाँदा बुटवल नयागाँउका ६ जना सिकिस्त बिरामी

बुटवल । बुटवल उपमहानगरको १२ नम्बर वार्डको नयाँगाँउमा जंगली च्याउ खाँदा ६ जना सिकिस्त बिरामी भएका छन् । असार १५ मनाउन जङ्गलबाट टिपेर ल्याएको च्याउ खाएपछि उनीहरु सिकिस्त बिरामी भएको प्रहरीले जनाएको छ ।

बिरामी हुनेमा बुटवल उपमहानगरपालिका– १२ नयाँगाउँकी २८ वर्षीया रिना बिक, २८ वर्षीया कमला बिक, ८ वर्षीया सुप्रिया बिक, ३८ वर्षीय बिष्णु बिक, ३३ वर्षीया दुर्गा बिक र ५० वर्षीय हुम बहादुर बिक रहेका इलाका प्रहरी कार्यालय बुटवलले जनाएको छ ।

बुधबार जङ्गलबाट ल्याएको च्याउ खाएपछि उनीहरु बिरामी परेका इलाका प्रहरी कार्यालय बुटवलका प्रमुख डीएसपी ठगबहादुर केसीले बताए । उनीहरुको लुम्बिनी प्रादेशिक अस्पताल बुटवलमा उपचार भइरहेको छ । बिरामी परेका सबै बेहोस् भएको र अवस्था गम्भीर रहेको छ ।