काठमाडौँ । खाद्य उद्योगमा योगदान दिँदै आएको केएल दुगड समूहले ज्ञान ब्राण्डको नयाँ उत्पादन बजारमा ल्याएको छ । दुगड समुह अन्तर्गतको ज्ञान ब्राण्डले ज्ञान मखाना नेपाली बजारमा भित्र्याएको हो ।
लामो समयको अनुसन्धान र परिक्षण पछि ज्ञान मखाना बजारमा ल्याईएको केएल दुगड ग्रुपका प्रवन्ध निर्देशक प्रदिप छाजेडले जानकारी दिए । खाद्य प्रविधिका निकै अनुभवी र दक्ष विशेषज्ञहरुले विभिन्न परिक्षण गरि मखनाको स्वाद र गुणस्तर तयार गरिएको छाजेडले बताए ।
स्वास्थ्य, स्वाद र पाचनका लागि समेत सबैले उपभोगको लागि योग्य रहेको कम्पनीले दाबी गरेको छ । लिली फूलको बीउबाट बनाइने मखाना प्रोटिन र अन्य धेरै पोषक तत्वहरूले भरिपूर्ण रहेको बताइएको छ ।
उपवासको समयमा बढी उपभोग हुने मखाना दैनिक खाजाको रूपमा पनि उपभोग गर्न सकिने कम्पनीले जनाएको छ । मखाना हल्का रोस्ट गरेर अथवा सिधै खान पनि सकिने कम्पनीले जनाएको छ । यो खीरसहित विभिन्न स्वादिष्ट र मिठाई परिकार बनाउन पनि प्रयोग गर्न मिल्ने निर्देशक छाजेडले बताए ।
ज्ञान मखाना मुख्य डिपार्टमेन्ट स्टोरहरुका साथसाथै स्थानीय किराना पसलहरुमा २०० ग्राम प्याकमा उपलब्ध रहेको कम्पनीले जनाएको छ ।
केएल दुगड समूहले लोकप्रिय ब्राण्ड ज्ञानको ज्ञान चक्की आटा, ज्ञान मैदा, ज्ञान चामलको पिठो, ज्ञान कोदोको पिठो जस्ता लोकप्रिय खाद्य उत्पादनहरु लामो समयदेखि बिक्री गर्दै आएको छ ।
प्रतिक्रिया