इस्लामाबाद । पाकिस्तान र चीनले अर्बौं डलरको चीन–पाकिस्तान आर्थिक करिडोरमा सामेल हुने कुनै पनि तेस्रो देशलाई ‘पारस्परिक लाभकारी सहयोग’को लागि स्वागत गर्ने निर्णय गरेका छन् ।
चीन–पाकिस्तान आर्थिक करिडोर (सीपीईसी) संयुक्त कार्य समूह (जेडब्लूजी)को अन्तर्राष्ट्रिय सहयोग र समन्वय (जेडब्लूजी—आइसीसी)को तेस्रो भर्चुअल बैठकले यस्तो निर्णय गरेको हो ।
बैठकमा दुवै पक्षले सीपीईसीको निरन्तर कार्यान्वयन र संयुक्त रूपमा सहमति भएका प्राथमिकताका क्षेत्रहरूमा यसको विस्तारको समीक्षा गरे ।
बेल्ट एण्ड रोड इनिसिएटिभ (बीआरआई)को महत्वपूर्ण विषयको रूपमा सीपीईसीले अन्तर्राष्ट्रिय र क्षेत्रीय कनेक्टिभिटीलाई सशक्त बनाउन नयाँ आधार तोडेको थियो । विशेष गरी अफगानिस्तानमा यसको विस्तारको सन्दर्भमा सीपीईसीले महत्वपूर्ण भूमिका खेलेको थियो ।
पाकिस्तान प्रशासित कश्मीर हुँदै सीपीईसी निर्माण भइरहेको भन्दै भारतले चीनको विरोध गरेको छ ।
प्रतिक्रिया