काठमाडौं । गठबन्धनका विरुद्ध एक्लै चुनाव लड्ने उदघोष गरेका नेकपा एमालेका अध्यक्ष केपी ओलीले राष्ट्रिय प्रजातन्त्र पार्टी (राप्रपा)का अध्यक्ष राजेन्द्र लिङ्देनसँग भेटवार्ता गरेका छन् । आफ्नै निवास बालकोट बोलाएर अध्यक्ष ओलीले लिङ्देनसँग भेटवार्ता गरेका हुन् ।
राप्रपाका अध्यक्ष लिङ्देन ओलीसँग भेटवार्ता गर्न शुक्रबार दिउँसो बालकोट पुगेका थिए । शुक्रबार मध्याह्न १२ बजेदेखि दिउँसो दुई बजेसम्म आगामी निर्वाचन र समसामायिक राजनीतिक विषयमा छलफल भएको राप्राका प्रवक्ता मोहन श्रेष्ठले जानकारी दिए । स्थानीय तह निर्वाचनमा धेरै स्थानमा एमालेर राप्रपाबीच अघोषित गठबन्धन बनेको थियो । निर्वाचन पछि उनीहरूबीचको यो दोस्रो भेट हो ।
चुनावी तालमेल आवश्यकताको आधारमा हुनसक्ने भन्दै राप्रपा प्रवक्ता श्रेष्ठले पार्टीको केन्द्रीय कार्यसम्पादन समितिको बैठकले मात्रै त्यसको निर्णय गर्ने जनाए ।
राप्रपाको केन्द्रीय कार्यसम्पादन समितिको बैठक ३० साउनमा हुँदैछ । अघिल्लो प्रतिनिधिसभा निर्वाचनमा पनि झापामा राप्रपा र एमालेबीच सहकार्य भएको थियो ।
प्रतिक्रिया