ठेकेदारले काम गर्न ढिलासुस्ती गरेको भन्दै वडा अध्यक्षबाट निर्माण सामाग्री कब्जा

बुटवल । बुटवलको तामनगर–फर्साटिकर सडकखण्डमा कल्भट निर्माणमा ठेकेदारले ढिलासुस्ति गरेको भन्दै वडाध्यक्षले ठेकेदारको निर्माण सामाग्री(डोजर) कब्जामा लिएका छन् ।

सडक अलपत्र पारेर आवतजावतमै समस्या बनाएको भन्दै बुटवल उपमहानगर वडा नम्बर १५ का वडा अध्यक्ष शिव रानाले ठेकेदारको डोजर कब्जामा लिएका हुन् । पटक पटक समय सिमा भित्र काम गर्न आग्रह गर्दा पनि नमानेपछि एक्सनमा उत्रनुपरेको १५ नं वडाका रानाले बताए । उनले स्थानीयतहसँग सम्म समन्वय नगर्ने र सडकको कन्त बिजोग बनाएर अलपत्र पारिएपछि डोजरमा सिकि लगाउनु परेको बताए ।

उनले सडक किनारमा खडा गरिएको डोजर मेसिनमा सिक्रिले बाँधेर तालाबन्दी गरेर चाबि कब्जामा राखेका हुन ।

निर्माणको जिम्मा पाएको सत्यवति निर्माण कम्पनिलाई काम सक्न ताकेता गर्दा पनि आलटाल गरेको रानाको आरोप छ । कल्भट निर्माण अलपत्र हँदा स्थानियवासी र स्कुले विद्यार्थीलाई आवतजावतमा समस्या भएपछि वडाले छुट्टै डोजर लगाएर काम गरेको उनले बताए । राना बुटवल उपमहानगरपालिकाका प्रवक्ता पनि हुन् ।