अवको निर्वाचनले एमालेबाट भएको बिद्रोहको औचित्य पुष्टि गर्छ : झलनाथ खनाल

बुुटवल । नेकपा एकिकृत समाजवादीका सम्मानित नेता एंव पूूर्वप्रधानमन्त्री झलनाथ खनालले अब मुलुकका लागि समाजवादी क्रान्तिको आवश्यकता रहेको बताएका छन । नेकपा एकिकृत समाजवादी रुपन्देहीले सोमबार आयोजना गरेको कार्यकर्ता भेला तथा पार्टी प्रवेश कार्यक्रमलाई सम्बोधन गर्दै नेता खनालले मुलुकमा पूूँजीवादी क्रान्ति सम्पन्न भएकाले अब समाजवादी क्रान्तिका लागि तयार हुनुपर्ने बताए । उनले सामाजिक आर्थिक सामाजिक रुपान्तरण गर्दै समाजवादको बाटोमा जानका लागि कम्यूूनिष्ट र क्रान्तिकारी पार्टीको आवश्यकता हुने बताए ।

उनले दक्षिणपन्थी अवसरवाद हावी भएका कारण कम्यूूनिष्ट आन्दोलनमा भ्रम भएको भन्दै अबको कम्यूनिष्ट केन्द्र नेकपा एकिकृत समाजवादी हुने दावी गरे । उनले दक्षिणपन्थी अवसरबादको दलदलबाट मुुक्त भएपछि सच्चा कम्यूूनिष्टहरु एकताबद्ध हुने समेत बताए । ‘हामीले दक्षिणपन्थी अवसरवादसँग विद्रोह गरेर पार्टी पुुर्नगठन गरेका हौं, अन्य कम्यूूनिष्टहरुभन्दा हामी फरक छौं’ नेता खनालले भने –‘वास्तवमा हामीले नै अब क्रान्तिकारी कम्यूूनिष्टहरुलाई एकताबद्ध बनाउनेछौं ।’

उनले गुुल्मी, पाल्पा हुँदै रुपन्देही आउदासम्म नेकपा एकिकृत समाजवादीमा कम्यूूनिष्ट क्रान्तिकारीहरु एकताबद्ध हुनेक्रम बढ्दै गएको बताए । ‘गुल्मीमा कार्यकर्ता भेलाले उत्साहीत बनाएको छ, पाल्पामा अशोक शाही, लक्ष्मी पाठक सहितका साथीहरु भर्खर हामीसँग समाहित हुुनुुभएको छ’ खनालले भने –‘एक वर्षको बिचमा विद्रोहबाट विस्तारित पार्टीमा आबद्ध हुनेहरुको संख्या बढदै गएको छ ।’ चुनावमा तालमेल गरेर अगाडि बढ्ने बताए । उनले अबको निर्वाचनबाट नेकपा एकिकृत समाजवादीले विद्रोहको औचित्य पुुष्टि गर्ने पनि बताए ।

कार्यक्रममा नेकपा एकिकृत समाजवादी पार्टीका पोलिटब्यूरो सदस्य तथा लुम्बिनी प्रदेश अध्यक्ष सोमप्रसाद पाण्डे,केन्द्रीय सदस्य एंव प्रदेश अध्यक्ष राजुु गुुरुङ, केन्द्रीय सदस्य तथा रुपन्देही इन्चार्ज डा. बालकृष्ण चापागाई,केन्द्रीय सदस्यहरु सिद्धिचरण भट्टराई, भगवती घिमिरे लगायतका नेताहरुको उपस्थिती थियो ।