पोखरा । बिहीबार बिहानै गण्डकी प्रदेशमा १६ जना कोरोना भाइरस संक्रमित थपिएका छन् ।
गण्डकी प्रदेशको सामाजिक विकास मन्त्रालय अन्तर्गत स्वास्थ्य निर्देशनालयले जारी गरेको विज्ञप्ति अनुसार बागलुङमा १० जना संक्रमित थपिएका छन् । यस्तै, पर्वतमा ४, स्याङ्जा र म्याग्दीमा एक–एक जनामा कोरोना संक्रमण पुष्टि भएको छ ।
बाग्लुङको बडीगाड गाउँपालिकाका वर्ष १६, २०, २१ र २५ का ४ जना पुरुषलाई कोरोना संक्रमण पुष्टि भएको छ । यस्तै, गल्कोट नगरपालिकाका २०, २२ र २३ का ३ जना पुरुष र निसीखोला गाउँपालिकाका वर्ष २२ र २९ का २ जना पुरुष तथा वर्ष ३३ की १ जना महिला छन् ।
यस्तै, पर्वतको फलेबास नगरपालिकाका २१ वर्षका २ जना पुरुषलाई पनि कोरोना पुष्टि भएको छ । पर्वतकै बिहादी गाउँपालिकाका २४ र २८ वर्षका २ जना पुरुषमा कोरोना पुष्टि भएको स्वास्थ्य निर्देशक डा. विनोदविन्दु शर्माले विज्ञप्तिमा जनाउनुभएको छ । फलेवासमा यसअघि ५ जनालाई संक्रमण भैसकेको छ ।
यस्तै म्याग्दीको मंगला गाउँपालिकाका वर्ष १९ का १ जना पुरुष र स्याङ्जाको कालीगण्डकी गाउँपालिकाका वर्ष १८ का १ जना पुरुषमा पनि कोरोना संक्रमण पुष्टि भएको छ ।
यससँगै गण्डकी प्रदेशमा कोरोना संक्रमितको संख्या ५४ पुगेको छ ।
प्रतिक्रिया