इस्लामावाद । साङ्घाई सहयोग संगठन (एसईओ) का राष्ट्र प्रमुखको परिषद्को वार्षिक बैठकमा सहभागी हुन पाकिस्तानका प्रधानमन्त्री शहबाज सरिफ उज्बेकिस्तानको राजधानी समरकन्द पुगेका छन् ।
आजबाट सुरु हुने बैठकको अध्यक्षता उज्वेकिस्तानका राष्ट्रपति शावकत मिर्जियोयेभले गर्दैछन् ।
बैठकमा एससीओ सदस्य राष्ट्रका नेता तथा पर्यवेक्षक राष्ट्रका साथै एससीओ संगठनका प्रमुख तथा अन्य विशेष अतिथिहरुको सहभागिता रहनेछ ।
एससीओ नेताहरूले जलवायु परिवर्तन, खाद्य सुरक्षा ऊर्जा सुरक्षा, र दिगो आपूर्ति श्रृंखला लगायतका महत्त्वपूर्ण विश्वव्यापी र क्षेत्रीय मुद्दाहरूमा छलफल गर्दैछन् ।
उनीहरूले एससीओ सदस्य राष्ट्रहरूबीचको सहयोगको भावी दिशा निर्धारण गर्ने सम्झौता र कागजातहरूलाई पनि अनुमोदन गर्ने बताइएको छ ।
पाकिस्तानी प्रधानमन्त्री सरिफले शिखर सम्मेलनमा सहभागी अन्य देशका नेताहरूसँग द्विपक्षीय भेटवार्ता गर्नेछन् ।
सन् २०१७ मा एसईंओको पूर्ण सदस्य बनेदेखि, पाकिस्तानले विभिन्न यसका संयन्त्रहरूमा आफ्नो सहभागिता जनाउँदै आएकोछ । एसईओको मुख्य उद्देश्यहरू अगाडि बढाउन पाकिस्तानले सक्रिय रूपमा योगदान गरिरहेको छ।
प्रतिक्रिया