काठमाडौं। नेपालमा कृषिजन्य खाद्य सामाग्रीका प्रवर्द्धक तथा उत्पादक केएल दुगड ग्रुपका प्रबन्ध निर्देशक, समाजसेवी एवम् उद्योग व्यवसायी कुमुदकुमार दुगड राष्ट्रपतिबाट प्रदान गरिने ‘प्रबल जनसेवाश्री’ पदकबाट विभुषित भएका छन्।
देशको आर्थिक, सामाजिक तथा कृषिको प्रवद्र्धन गर्दै मुलुकको समग्र औद्योगिक एवं व्यवसायिक क्षेत्रको विकासमा पुर्याउँदै आएको उनको योगदानको कदर गर्दै संविधान दिवसको अवसर पारेर उनलाई ‘प्रबल जनसेवाश्री’ पदकबाट विभुषित भएका हुन् ।
दुगड ग्रुपको अग्रसरतामा कृषिलाई औद्योगीकरण र व्यवसायीकरण गर्ने तथा कृषकहरुलाई अभिप्रेरित गर्दै कृषिजन्य उद्योगका लागि आवश्यक कच्चा पदार्थ स्वदेशमै उत्पादन गराउने कार्य हुँदै आएको छ । विशेषगरि कृषिसँग जोडिएका खाद्य उत्पादनमा नेपाली बजार सहित विश्वका धेरै मुलुकहरुमा दुगड ग्रुपको उत्पादनहरु निर्यात हुँदै आएको छ । चामल, तेल सहित भान्छामा प्रयोग हुने अधिकांस खाद्य उत्पादनहरु सहित अगरबत्ती, सिमेण्ट र हाईड्रो जस्ता क्षेत्रमा पनि दुगड ग्रुपको सफल लगानी रहँदै आएको छ ।
तराईका धेरै क्षेत्रमा धान, गहुँ, मकै जस्ता नेपाली कृषि उत्पादनको बजारिकरण र ब्राण्डिङमा समेत सो ग्रुपको योगदान रहँदै आएको छ । विशेष गरि धारा ब्राण्ड र ज्ञान फुडका नामबाट उत्पादीत केएल दुगड ग्रुपका उत्पादनहरु नेपाली उपभोक्ताहरुका माझ लोकप्रिय ब्राण्ड हुन् ।
प्रतिक्रिया