आजको मौसम : देशका अधिकांश क्षेत्रमा बदली, मेगगर्जन र चट्याङसहित वर्षाको सम्भावना

काठमाडौं । अहिले देशभर स्थानीय वायु, पश्चिमी वायु र भारतको पूर्वी उत्तर प्रदेश तथा विहारमा रहेको निम्न चापीय प्रणालीको प्रभाव कायम रहेको मौसम पूर्वानुमान महाशाखाले जनाएको छ ।

हाल देशको प्रदेश ५, कर्णाली प्रदेश, गण्डकी प्रदेश, बागमती प्रदेश, प्रदेश १ र सुदुरपश्चिम प्रदेशको पहाडी भू–भागमा सामान्य बदली रहेको छ भने प्रदेश २, प्रदेश १ र सुदुरपश्चिम प्रदेशको तराई भू–भागमा मौसम सामान्यतया सफा रहेको मौसम पूर्वानुमान महाशाखाले जनाएको छ ।

त्यसैगरि गण्डकी प्रदेश, प्रदेश ५ र बागमती प्रदेशका एक, दुई स्थानमा हल्का बर्षा वर्षा भैरहेको छ ।

आज दिउँसो देशका धरैजसो स्थानमा सामान्य बदली हुनेछ । प्रदेश १, बागमती, गण्डकी प्रदेश, प्रदेश ५ का केही स्थानहरु र कर्णाली, सुदुरपश्चिम प्रदेश र प्रदेश २ का केही स्थानमा मेघगर्जन र चट्याङसहित वर्षाको सम्भावना रहेको मौसम पूर्वानुमान महाशाखाले जनाएको छ ।

आज राती वागमती प्रदेश र प्रदेश १ मा सामान्य बदली रहनेछ भने बाँकी प्रदेशमा आंशिक बदली रहने छ ।

प्रदेश १, बागमती प्रदेशका केही स्थान, गण्डकी प्रदेश र प्रदेश ५ का एक, दुइ स्थानमा मेघगर्जन र चट्याङसहित वर्षाको सम्भावना रहेको मौसम पूर्वानुमान महाशाखाले जनाएको छ ।