काठमाडौं । नेपाली कांग्रेसका प्रमुख सचेतक बालकृष्ण खाँडले सरकारले चकलेटमा भन्सार घटाउने सरकाले विद्युतीय गाडीमा भन्सार बढाएर दुनियाँ हँसाएको टिप्पणी गर्नुभएको छ ।
प्रतिनिधिसभामा भैरहेको विनियोजन विधेयकमाथि जारी छफलफलमा बोल्दै काँग्रेसका प्रमुख सचेतक खाँडले टिप्पणी गर्नुभयो,
‘सरकारले चक्टलेमा भन्सार घटाएर चक्लेटी निर्णय गरेको छ ।’ मुलुकको आवश्यकता हेरेर भन्सार बढाउने र घटाउने निर्णय गर्नुपने त्यसो हुन नसकेको भन्दै खाँडले सरकारलाई ‘चकलेटी सरकार’को संज्ञा दिनुभयो ।
उहाँले भन्नुभयो “हाम्रो सरकार चकलेटी सरकार हो । चकलेटको भन्सार घटाउने गहुँको भन्सार बढाउने ।” उहाँले विद्युतीय सवारी साधनमा भन्सार वृद्धि गरिएकोमा आपत्ति जनाउनुभयो । ‘चकलेटमा भन्सार घटाउने, स्वदेशी चुईंगममा अन्तशुल्क लगाउने अनि आयात प्रतिस्थापन हुन्छ ?’, खाँडले प्रश्न गर्नुभयो ।
उहाँले भन्नुभयो “तीन बर्ष भित्र काठमाण्डौ उपत्यकामा सबै विद्युतीय सवारी साधन चलाउने भन्ने अनि अहिले ठ्याक्कै तेश्रो बर्षमा विद्युतिय सवारीलाई निषेध गरेर उपत्यका मात्रै होइन नेपालबाटै वर्हिगमन गर्ने ? ”
सरकारले चकलेटको भन्सार दर घटाएको छ । विदेशी चकलेटको आयातलाई प्रोत्साहन हुने गरी भन्सार दर घटाउँदा नेपाली चकलेट उद्योगहरु मारमा पर्ने देखिएका छन् । यस्तै, सरकारले बजेटमा नेपाली चुईंगम उद्योगलाई समेत १० प्रतिशत अन्तशुल्क लगाइदिएको छ । जसका कारण चुईंगममा आत्मनिर्भर बन्ने अवस्थामा पुगेका उद्योगहरु संकटमा परेका छन् ।
वर्षेनी १ अर्ब ७७ करोडका चुईंगम आयोत हुन्छ भने नेपालमा १ अर्ब बढीको चुईंगम उत्पादन हुन्छ । स्वदेशी उद्योगलाई प्रोत्साहन गर्नुपर्नेमा उल्टै अन्तशुल्क लगाईंदिदा उद्योग नै बन्द गर्नुपर्ने अवस्थामा पुगेको उद्योगीव्यवसायीले चिन्ता व्यक्त गरेका छन् ।
प्रतिक्रिया