नेपालगन्ज । अबिरल वर्षापछि बढेको राप्ती नदिको बहावले खतराको चिन्ह पार गरेको छ । जिल्ला विपद व्यवस्थापन समिति बाँकेले आज साँझ एक सूचना प्रकाशित गर्दै तटीय क्षेत्रमा बसोबास गर्ने स्थानीयलाई सावधानी अपनाउन आग्रह गरेको छ ।
राप्ती नदिको सतह साँझ ५ः३० बजेको समयमा बढेर ६.४५ मिटर पुगेको भन्दै तटीय क्षेत्रका स्थानीयलाई नदिको किनारमा नजान, अग्लो भूभाग तर्फ बस्न र सूचनाको लगातार जानकारी लिन समितिले आग्रह गरेको हो । राप्ती नदिको सतह मापनको मापदण्ढ अनुसार ५ मिटरदेखि माथिको बहावलाई सतर्कता र ५.४ मिटर देखि माथिको अवस्थालाई खतराको चिन्हकारुपमा हेर्ने गरिन्छ ।
विपद व्यवस्थापन समितिले तटीय क्षेत्रमा दाउरा छोप्न जाने, माछा मार्ने, नुहाउने जस्ता कार्य नगर्न सर्वसाधारणलाई आग्रह गरेको छ । समितिले विपदमा उद्दार गर्ने टोलि समेत तयारी अवस्थामा राखेको समेत जनाएको छ ।
प्रतिक्रिया