स्याङ्जा । गल्याङ नगरपालिकाका स्वास्थ्य शाखा प्रमुख लीलाबल्लब भण्डारी मृत भेटिएका छन् । स्वास्थ्य प्रमुख भण्डारी आइतबार साँझ घरनजिकैको बारीमा रहेको राङ्सिङको रुखमा झुण्डिएको अवस्थामा स्थानीयले देखेपछि प्रहरीलाई खबर गरेका थिए ।
भण्डारी घरभन्दा केही टाढा बारीमा रहेको घाँसको रुखमा झुण्डिएको मृत अवस्थामा फेला परेको प्रहरीले जनाएको छ । प्राथमिक अस्पताल वालिङमा भण्डारीको शव पोष्टमार्टम गरी आफन्तलाई बुझाइएको छ । रिपोर्ट भने आइनसकेको छैंन । घटनाबारे अनुसन्धान शुरु भइसकेको प्रहरी निरीक्षक निरन्जन घिमिरेले जानकारी दिनुभयो ।
गत वर्षदेखि गल्याङ नगरपालिकाको स्वास्थ्य शाखा प्रमुख रही सेवा गर्दै आएका भण्डारी हालको कोरोना महामारीमा पनि लागि निरन्तर सेवामै खटिरहेका थिए ।
प्रतिक्रिया