अर्घाखाँची । अर्घाखाँचीमा कोरोना संक्रमित बोकेको एम्बुलेन्स दुर्घटनामा परेको छ । चन्द्र प्रभा माबि क्वारेन्टाइनबाट सोमबार पुष्टि भएका ५ जना कोरोना सक्रमितका बिरामी बोकेको एम्बुलेन्स दुर्घटना भएको अर्घाखांची प्रहरीले जनाएको छ ।
संक्रमित लिएर सन्धिखर्क जांदै गरेको एम्बुलेन्स दुर्घटना हुदा ७ जना घाइते भएका बताईएको छ । लु १ च ३५३५ नम्बरको एम्बुलेन्स डिहिडाँडाको ओरालो सडकबाट करिव १५ मिटर तल घरमा गएर ठोक्किएको अर्घाखांचीबाट पत्रकार घनश्याम पौडेलले जानकारी दिएकाछन् ।
अहिले घटना स्थल तर्फ जिल्ला प्रहरीको टोली , शसस्त्र प्रहरीको टोली र स्थानिय बासिन्दाले उद्दार गरिरहेको बताईएको छ । ५ जना कोरोना सक्रमित मध्ये एक जना महिलाको ढाडमा चोट लागेको बताईएको छ । सडक अत्यन्तै चिप्लो भएका कारण एम्बुलेन्स अनियन्त्रित भई दुर्घटना भएको प्रहरीले जनाएको छ ।
प्रतिक्रिया