पोखरा । पछिल्लो २४ घण्टामा गण्डकी प्रदेशमा थप २४ जनामा कोरोना भाइरस संक्रमण देखिएको छ ।
गण्डकी प्रदेश कोरोना नियन्त्रण तथा रोकथाम कार्यक्रमका प्रवक्ता डा। विनोद विन्दु शर्माले विज्ञप्ति जारी गर्दै नवलपरासी (बर्दघाट सुस्ता पूर्व)मा १२, बाग्लुङमा ११ र म्याग्दी जिल्लामा १ जनामा कोरोना संक्रमण पुष्टि भएको जनाउनुभएको छ ।
यसँगै प्रदेशमा गण्डकी प्रदेशमा कोरोना संक्रमितहरुको संख्या १४४ पुगेको छ ।
संक्रमित हुनेहरुमा पूर्वी नवलपरासीको बौदीकाली गाउँपालिकामा १८ देखि ४० वर्ष उमेरका १२ जना पुरुष, बागलुङ बरेङ गाउँपालिकाका १८ देखि ४९ वर्ष उमेरका ८ जना र निसीखोला गाउँपालिकामा २१,२६ र २७ वर्षका ३ जना पुरुष रहेका छन् ।
यस्तै, म्यादीको बेनी नगरपालिकाका एक जना ४६ वर्षीय पुरुषमा पनि कोरोना देखिएको स्वास्थ्य निर्देशनालय पोखराले जनाएको छ ।
प्रतिक्रिया