पोखरा । नेकपा माओवादी केन्द्रका अध्यक्ष पुष्पकमल दाहाल प्रचण्डले सत्ता गठबन्धनका उम्मेदवारहरुलाई विजयी बनाउन आग्रह गरेकाछन् ।
सत्ता गठबन्धनले पोखरामा शुक्रबार आयोजना गरेको प्रदेशस्तरीय प्रशिक्षण कार्यक्रमलाई सम्बोधन गर्दै अध्यक्ष प्रचण्डले गठबन्धन दलका नेता कार्यकर्ताहरुले आफ्नो पार्टीको उम्मेदवारलाई मात्र भोट नहाली गठबन्धनकाका सबै उम्मेदवारलाई हाल्नुपर्ने बताए । उनले आफ्नो पार्टीलाई मात्र भोट हाल्छु भन्ने अडान लिन नहुने जिकिर गरे ।
‘हामी सबै आज यहाँ आएको एक छौं भन्ने सन्देश दिन आएका हौं’, प्रचण्डले भने, ‘तपाईंहरू अघि बढ्नुस्, प्रत्यक्ष तथा समानुपातिक उम्मेदवारलाई जिताउन लाग्नुस् ।’ प्रचण्डले शीर्ष नेताहरु गठबन्धन एक भएको सन्देश दिन देशव्यापी दौडाहामा निस्किएको जिकिर समेत गरे ।
संविधान लोकतन्त्र र परिवर्तन रक्षाका लागि बनेको गठबन्धन बचाउन आवश्यक रहेको बताउँदै प्रचण्डले जिम्मेवारीबोध गरेर हँसिया हतौथा, रुख, कलममध्ये जसको उम्मेदवार भएपनि मत हाल्न अपील गरे ।
अध्यक्ष प्रचण्डले ठूलो संघर्षपछि ल्याएको परिवर्तन उल्ट्याउन र राष्ट्रिय एकता खण्डित गर्न एमालेले पश्चगामीहरुसँग गठबन्धन बनाएको आरोप समेत लगाए ।
प्रतिक्रिया