काठमाडौं । सरकारले सुरक्षा मापदण्ड अपनाएर व्यापार व्यवसाय सञ्चालन गर्न दिने निर्णय गरेको छ ।
बुधबार राति सम्पन्न मन्त्रिपरिषद् बैठकले स्वास्थ्य सुरक्षा मापदण्ड अपनाएर सबै पसलहरू सञ्चालन गर्न दिने निर्णय गरेको हो । यो निर्यय बिहीबार देखि नै लागु हुनेछ ।
यस्तै, बैठकले जोरबिजोरका आधारमा जोर बिजोर दिन पारेर निजी सवारी साधन चल्न दिने पनि निर्णय गरेको छ । तर सार्वजनिक यातायात अहिल्यै संचालन गर्न नसकिने निस्कर्ष निकालिएको छ ।
यस्तै, रेष्टुरेन्टहरुमा टेक अवे सर्भिस (खाना लैजाने मात्र) खुला गर्ने भएको छ।
त्यसैगरी, सरकारी कार्यालयहरू असार १ गतेदेखि पूर्णरुपमा सञ्चालन गरिने भएको छ।
प्रधानमन्त्री केपी शर्मा ओलीले बुधबार दिउँसो संसदलाई सम्बोधन गर्दै लकडाउन सहज बनाउन लागेको वनाउनुभएको थियो ।
चैत ११ गतेदेखि जारी लकडाउन निरन्तर लम्बिँदा दैनिक जीवनयापनमै समस्या पर्न थालेपछि सरकारमाथि लकडाउन खुकुलो बनाउन दवाव बढ्दै आएको थियो ।
प्रतिक्रिया