अमेरिकामा आगामी सेप्टेम्बरसम्म कोरोना भाइरसको संक्रमणबाट मर्नेको संख्या दुई लाख पुग्ने अनुमान गरिएको छ ।
हार्वर्ड ग्लोबल हेल्थ इनिसियटिभका प्रमुख आशिष झाले अमेरिकी टिभी च्यानल सीएनएनलाई दिएको अन्तर्वार्तामा भनेका छन्, नयाँ संक्रमितको संख्या तिब्र गतिमा बढेन भने पनि सेप्टेम्बरमा मर्नेको संख्या दुईलाखसम्म पुग्छ ।
झाले भनेका छन्, ‘सेप्टेबरमा नै महामारी सकिँदैन, त्यसपछिका महिनामा पनि मर्ने श्रृंखला जारी नै रहनेछ ।’
जोन हप्किन्स युनिभर्सिटीको कोरोना तथ्यांकका अनुसार अमरिकामा कोरोना संक्रमितको संख्या २० लाख कटिसकेको छ । जबकी अहिलेसम्म त्यहाँ १ लाख १३ हजार भन्दा बढी मानिसको मृत्यु भैसकेको छ ।
अमरिकाले गत बुधबारदेखि लकडाउन निकै कमजोर बनाएको छ । कोरोनाको नयाँ संक्रमितहरुलाई नियन्त्रण पहिल्यै लकडाउन खोलिएको छ । यो निकै चिन्ताजनक छ’ आशीष झा निराश देखिएका छ्न ।
कोरोना भाइरसबाट हुने मृत्युलाई टेस्टिङ, कन्ट्याक्ट ट्रेसिङ, मास्क र सामाजिक दूरीबाटै रोक्न सम्भव छ ।
प्रतिक्रिया